Harbiy musiqa akademik litseyi rahbariyati Sizga ma’lum qiladiki, o‘tgan ya'ni 2022 yilning dekabr oyi ikkinchi yarmida, O‘zbekiston Respublikasi Xalqaro innavatsiya-jamoat birlashmasi va O‘zbekiston Davlat konservatoriyasi bilan hamkorlikda “Hayot musiqasi” deb nomlangan iqtidorli bolalar IV– Xalqaro tanlovi o‘tkazildi. Mazkur tanlovda 8 ta mamlakatdan jami 354 nafar iqtidorli o‘quvchilar ishtirok etib, shular qatorida akademik litseyimizning 3 nafar o‘quchilari ya’ni, o‘n bir yoshlilar o‘rtasida 5-sinf o‘quvchisi Islomov Ilxom “Saksafon-alt” nominatsiyasi bo‘yicha GRAN-PRI diplomi va sertifikatni, o‘n ikki yoshlilar bo‘yicha 6-sinf o‘quvchilari Urinbaуev Yusufjon va Asatullaуev Abdullalar “Klarnet va Saksafon-alt” nominatsiyasida 2-o‘rinni, o‘n bir yoshlilar o‘rtasida 5-sinf o‘quvchisi Tohirjonov Mamirjon “Bariton” nominatsiyasi bo‘yicha ishtiroki uchun diplomni qo‘lga kiritgan va 10 nafar musiqa o‘qituvchilarimiz sertifikat va tashakkurnomalar bilan taqdirlangan bo‘lsalar, Rossiya Federatsiyasining Sankt-Peterburg shahrida YATT ART SENTR tomonidan o‘tkazilgan Xalqaro “San’at va ijod, qishki qo‘ng‘iroq” onlayn festivalida “instrumental yakkaxon ijro” nominatsiyasi bo‘yicha 7-sinf o‘quvchisi Sharipov Bexzod muvofaqqiyatli qatnashib, I-darajali diplomni qo‘lga kiritib, musiqa o‘qituvchilari M.Mirzakirov, Ye.Didenkolar tashakkurnoma bilan mukofotlandilar.
Shuningdek, O‘zbekiston Respublikasi Madaniyat vazirligi tomonidan dekabr oyida umumiy o‘rta ta’lim maktablari o‘quvchilar o‘rtasida o‘tkazilgan “San’atim senga, obod yurtim” deb nomlangan ijodiy ko‘rik tanlovda “Estrada va an’anaviy xonandalik” yo‘nalishi bo‘yicha muassasamizning 6-sinf o‘quvchisi Nigmatullaуev Muhammadjon II-darajali diplom va faxriy yorliq, 7-sinf o‘quvchisi Abduhalilov Behruz faol ishtirok etganligi uchun faxriy yorliqga ega bo‘ldilar.
Turizm va madaniy meros vazirligi huzuridagi madaniy meros agentligi hamda O‘zbekiston Kompozitorlari va bastakorlari uyushmasi, Muxtor Ashrafiy uy muzeyi bilan hamkorlikda “Muxtor Ashrafiy tavalludining 110 yilligi”ga bag‘ishlangan yosh kompozitorlar kamer asarlari respublika tanlovi o‘tkazildi. Mazkur tanlovda musiqa o‘qituvchilarimiz faol ishtirok etib, jumladan, Mullayev Alim II-darajali diplom, Karimov Ulug‘bek III-darajali diplom, Xabibjonov Shohabbos faol ishtiroki uchun diplom bilan taqdirlandilar.
O‘zbekiston Kompozitorlari va Bastakorlari uyushmasi hamda O‘zbekiston ijodkorlarini qo‘llab-quvvatlash “Ilhom” jamoat fondi tomonidan o‘tkazilgan 2022 yil sarhisobida muassasmizning ixtisoslik fanlar bo‘yicha direktor o‘rinbosari Q.Ismoilov va musiqa nazariyasi o‘qituvchisi, kompozitor Z.Xodiуevalar “2022 yil faol targ‘ibotchisi”, Harbiy musiqa akademik litseyi “2022 yilning faol hamkor tashkiloti” nominatsiyalarida g‘olib sifatida e’lon qilinib, maxsus sertifikat bilan taqdirlandilar.
Eng quvonarli yutuqlardan yana biri, o‘tgan yil 26-dekabr sanasi bilan 2022 yil 11-maydagi 134-sonli Prezident Farmoniga asosan, muassasamizning informatika va matematika fani o‘qituvchisi Eshonqulova Sarvinoz “GOOGLE FOR EDUCATION” o‘quv kursini muvofaqqiyatli tamomlab, Xalqaro Level 1, Level 2 sertifikatini qo‘lga kiritganligini ma’lum qilamiz.