2022-2023-O‘QUV YILI UCHUN

“Damli  va  zarbli  cholg‘ular  ijrochiligi ”  yo‘nalishiga

QABUL  E’LON  QILADI !

       Akademik litseyga umumiy o‘rta ta’lim maktabining 4-sinfini tamomlagan nomzodlarning hujjatlari 1-iyundan 20-iyungacha qabul qilinadi.

      Qabul komissiyasiga quyidagi hujjatlarni taqdim qilishlari lozim:

• nomzodning ota-onasi (ularning o‘rnini bosuvchi shaxslar) tomonidan akademik litsey direktori nomiga ariza (namuna beriladi);
• nomzodning ota-onasi (ularning o‘rnini bosuvchi shaxslar) tomonidan to‘ldirilgan so‘rovnoma (namuna beriladi);
• nomzodning tug‘ilganlik haqidagi guvohnoma nusxasi;
• 086-U shakl bo‘yicha tibbiy ma’lumotnoma;
• nomzodning tibbiy daftarchasi (063 shakl);
• 6 dona 3x4 sm o‘lchamli rangli fotosurat;
• nomzodning o‘qish joyidan baholar tabelining nusxasi;
• ota-onasi passport va nikoh guvohnomalari nusxasi hamda ularning ish joyidan (ishsiz holda mahalladan) ma’lumotnima;

Kirish imtihonlari 20-30-iyun kunlari o‘kaziladi.

      Imtihonlar:

• Ona tili (diktant)
• Matematika (nazorat ishi)
• O‘qish
• Psixologik sinov (test)
• Ijodiy imtihon (musiqa)

Manzil: Toshkent shahri, Chilonzor tumani, “C” mavzesi.

Qo‘shimcha ma’lumotlar uchun:

 (71) 276-92-36, 276-89-03, 276-34-65;

Web site:www.hmal.uz

Elektron manzil: mghmal@umail.uz

Telegram:+998973445757 (HMAL QABUL 2022)

HARBIY MUSIQA AKADEMIK LITSEYIGA

O‘QISHGA MARHAMAT !

O‘zbekiston Respublikasi Milliy gvardiyasi qo‘mondonining O‘zbekiston Respublikasi Davlat mustaqilligining 29 yilligi munosabati bilan shaxsiy tarkibga yo‘llagan

BAYRAM TABRIGI

Hurmatli harbiy xizmatchilar, xodimlar, ishchi va xizmatchilar!

Sizlarni mamlakatimiz hayotidagi qutlug‘ kun – Mustaqilligimizning yigirma to‘qqiz yilligi bilan chin qalnimdan muborakbod etaman.

            O‘tgan qisqa davrda mamlakatimizda amalga oshirilgan islohotlar natijasida yurtimiz jahon hamjamiyatidan munosib o‘rin egalladi, ulkan taraqqiyot yo‘lini bosib o‘tdi, hozirgi kunda yangi bosqichda rivojlanmoqda.

            Xususan, mamlakatimiz xavsizligini ta’minlash borasidagi islohotlar natijasida Muhtaram Prezidentimiz, Qurolli Kuchlar Oliy Bosh Qo‘mondoni tashabbusi bilan 2017 yil Qurolli Kuchlarda yangi tizim Milliy gvardiya tashkil etilib, oxirgi farmonlariga asosan Milliy gvardiyaga qo‘shimcha vazifalar yuklatildi.

            Unga ko‘ra, mahalla va oilani qo‘llab-quvatlash hamda Ichki ishlar vazirliklari bilan hamkorlikda barcha shahar va viloyatlarda “xavfsiz va obod mahalla” loyihasini amalga oshirish, mahallalar kesimida huquqbuzarliklarni barvaqt oldini olish, mahallalarni jinoyatdan holi hududga aylantirish hamda fuqarolarga manzilli yordam ko‘rsatish tizimi yo‘lga qo‘yildi.

            Milliy gvardiya faoliyatini sifatli yangi darajaga olib chiqishda respublikamizdagi vazirlik va idoralar bilan mustahkam hamkorlik aloqalari yo‘lga qo‘yilib, shu qisqa vaqt ichidamamlakat xavfsizligini, xalqimiz tinchligi va osoyishtaligini ta’minlashda muhim bo‘g‘inga aylandi.

            Milliy gvardiya shaxsiy tarkibining xalqimiz tinchligi va osoyishtaligini kunu-tun himoya qilish hamda muhim ob’yektlarni sergaklik bilan qo‘riqlash borasidagi fidoyiligi, insonlar hayoti va manfaatlarini saqlashdagi jonkuyarligi xalqimizning Milliy gvardiyaga bo‘lgan hurmati va ishonchini ortishiga sabab bo‘lmoqda.

            Bu esa, Milliy gvardiya saflarida xalqimiz va Prezidentimizga sodiq bo‘lgan mard, jasur, fidoyi bo‘lgan harbiy xizmatchi va xodimlar xizmat qilayotganligidan dalolat beradi.

            Bizning oldimizda turgan oliy maqsadimiz hukumatimiz tomonidan amalga oshirilayotgan islohotlarni qo‘llab quvatlash, bu borada xalqimizga eng yaqin ko‘makdosh bo‘lish va ularni ishonchini oqlashdir.

            Shu o‘rinda ta’kidlash lozimki, jamoat tartibi va xavfsizligini ta’minlash, fuqarolar tinchligini saqlash, jinoyatchilikka qarshi kurashish borasidagi mashaqqatli va sharafli burchini ado etayotgan jasur va matonatli harbiy xizmatchilar va xodimlarimiz bilan har qancha faxrlansak arziydi.

            Sizlarni yana bir bor mustaqillik bayrami bilan tabriklab, hammangizga sixat-salomatlik, xonadoningizga tinchlik xotirjamlik, oilaviy baxt hamda sixat-salomatlik, xonadoningizga tinchlik xotirjamlik, oilaviy baxt hamda faoliyatingizda ulkan zafarlar tilayman.

            Yurtimiz tinch, osmonimiz musaffo, mustaqilligimiz abadiy bo‘lsin!

Qo‘mondon,

general-mayor             T.Djurayev

Ўзбекистон Республикаси Миллий гвардияси Республика ихтисослаштирилган мусиқа академик лицейи жамоаси маънавий-маърифий ишлар бўйича директор ўринбосари Курбанов Баходир Негматуллаевичга акаси Курбанов Алишер Негматуллаевичнинг вафоти муносабати билан чуқур таъзия изҳор этади.

Марҳумнинг охиратлари обод бўлсин, оила аъзоларига сабр –тоқат тилаймиз.

Ўзбекистон Республикаси Миллий гвардияси

Республика ихтисослаштирилган мусиқа

академик лицейи жамоаси

Ўзбекистон Республикаси Миллий гвардияси Республика ихтисослаштирилган мусиқа академик лицейи жамоаси дурадгор Галиев  Илдуз Михайловичга онаси Галиева Минзифа Хасибулловнанинг вафоти муносабати билан чуқур таъзия изҳор этади.

Марҳума онахоннинг охиратлари обод бўлсин, оила аъзоларига сабр –тоқат тилаймиз.

Ўзбекистон Республикаси Миллий гвардияси

Республика ихтисослаштирилган мусиқа

академик лицейи жамоаси

Ўзбекистон Республикаси Миллий гвардияси Республика ихтисослаштирилган мусиқа академик лицейи жамоаси маънавий-маърифий ишлар бўйича директор ўринбосари Курбанов Баходир Негматуллаевичга онаси Назира Шукуруллаеванинг вафоти муносабати билан чуқур таъзия изҳор этади.

Марҳума онахоннинг охиратлари обод бўлсин, оила аъзоларига сабр –тоқат тилаймиз.

Ўзбекистон Республикаси Миллий гвардияси

Республика ихтисослаштирилган мусиқа

академик лицейи жамоаси