Адрес:
O'zbekiston Respublikasi, Toshkent shahri, Chilonzor tumani, S mavzesi
Телефон:

Litsey haqida

              IMG_3940

                Tarixdan ma’lumki, xalqimiz bola tarbiyasida musiqaning tutgan o‘rniga katta ahamiyat berib kelgan. Bu borada birgina allaning ta’sir kuchi, uning asrlardan asrlarga, ajdodlardan avlodlarga bekamu ko‘st o‘tib kelayotgani xususida uzoq fikr yuritsa bo‘ladi. Mustaqillik yillarida mamlakatimizda bolalar musiqa va san’at maktablarini rivojlantirish, yosh iste’dodlarni kashf etish, qo‘llab-quvvatlash maqsadida keng ko‘lamli ishlar amalga oshirildi.

          O‘zbekiston Respublikasi Prezidentining 2015-yil 20-noyabrda PQ-2435-sonli “Bolalar musiqa va san’at maktablari faoliyatini yanada takomillashtirish bo‘yicha 2016 — 2020 yillarga mo‘ljallangan davlat dasturi to‘g‘risida”gi qarorining qabul qilinishi, bolalar musiqa va san’at maktablarini qurish va hududiy jihatdan maqbul joylashtirish bo‘yicha boshlangan ishlarni davom ettirish, o‘sib kelayotgan yosh avlodning umumiy o‘rta ta’limi va ularni har tomonlama ma’naviy-axloqiy tarbiyalashning bir-biriga bog‘langan yaxlit tizimini shakllantirish, bolalarning ijodiy salohiyatini yanada keng ochib berish, musiqa va san’atning boshqa turlarini chuqurroq tushunishi hamda ularga nisbatan mehr-muhabbat uyg‘otish, musiqa va tasviriy san’at sohalarida jahon buyuk merosini o‘rganib bilishlari uchun shart-sharoitlar va imkoniyatlar yaratib berdi.

            Respublika ixtisoslashtirilgan musiqa akademik litseyi hozirga qadar o‘zining faoliyat yo‘nalishi va ixtisosligi bo‘yicha turli vazirliklar tasarrufida bo‘lgan. Xususan, 1944-yilda Mudofaa vazirligi qoshida harbiy musiqachilar tarbiyalovchi maxsus maktab-internat sifatida tashkil etilgan. Maktab-internat 1956-yilda Maorif vazirligi tasarrufiga o‘tkazilgan va Respublika musiqachilar tarbiyalanuvchilari maktab internatiga aylantirilgan. Xalq ta’limi vazirligining 2008-yil 29-dekabrdagi 333-sonli buyrug‘iga asosan Alisher Navoiy nomidagi Nafis san’at yo‘nalishiga ixtisoslashtirilgan maktab – internat 2009-yil 1-yanvardan “Xalq ta’limi vazirligi tasarrufidagi filologiya va san’atga ixtisoslashtirilgan davlat umumta’lim  maktab – internati maqomida qayta tashkil etildi.

           Xalq ta’limi vazirligining 2009-yil 8-maydagi 122-sonli va 2009-yil 8-iyundagi 146-sonli buyruqlari asosida “Xalq ta’limi vazirligi tasarrufidagi musiqaga ixtisoslashtirilgan davlat umumta’lim maktab-internati” tugatilib (likvidatsiya qilinib), uning bazasida “Respublika musiqa va san’atga ixtisoslashtirigan maktab-internati” tashkil etildi.

          Vazirlar Mahkamasining 2011-yil  16-dekabrdagi  335-sonli qarori  va Xalq ta’limi vazirligining  2011-yil 23- dekabrdagi 294-sonli buyrug‘i asosida  “Xalq ta’limi vazirligi tasarrufidagi “Respublika ixtisoslashtirilgan muzika va san’at akademik litseyi“ maqomi berildi.

          O‘zbekiston Respublikasi Prezidentining 2017-yil 15-fevraldagi “Madaniyat va sport sohasi boshqaruv tizimini yanada takomillashtirish to‘g‘risida”gi PF  4956-sonli farmoni hamda Xalq ta’limi vazirligining 2017-yil 27-martdagi 13-sonli va Madaniyat vazirligining  2q\q-sonli qo‘shma qarori  asosida “Respublika ixtisoslashtirilgan musiqa va san’at akademik litseyi” “ Xalq ta’limi vazirligi tasarrufidan Madaniyat vazirligi tasarrufiga o‘zgartirildi.

         O‘zbekiston Respublikasi Milliy gvardiyaning  2017-yil  03-noyabrdagi   3-sonli,  O‘zbekiston Respublikasi Madaniyat vazirligiining  25-q|q –sonli qo‘shma qarori   bilan  Respublika ixtisoslashtirilgan musiqa va san’at akademik litseyini O‘zbekiston Respublikasi Milliy gvardiya  tasarrufiga o‘tkazildi.   

          O‘zbekiston Respublikasi Vazirlar Mahkamasining 2018-yil  29-noyabrdagi  971-sonli qarori  muvofiq  O‘zbekiston Respublikasi Milliy gvardiyasi, Madaniyat vazirligi, Oliy va o‘rta maxsus ta’lim vazirligi hamda Xalq ta’limi vazirligining O‘zbekiston Respublikasi Milliy gvardiyasi Respublika ixtisoslashtirilgan musiqa va san’at akademik litseyini O‘zbekiston Respublikasi Milliy gvardiyasi Respublika ixtisoslashtirilgan musiqa akademik litseyiga  aylantirildi.

          O‘zbekiston Respublikasi Milliy gvardiyasi Respublika ixtisoslashtirilgan musiqa akademik litseyi umumiy musiqa bo‘yicha bilimlarning boshlang‘ich asoslarini o‘rgatish hamda damli va zarbli cholg‘ular (fleyta, gaboy, klarnet, saksafon, truba, valtorna, bariton, tuba, marinba) ijrochiligi yo‘nalishida etuk kadrlarni tayyorlashga ixtisoslashtirilgan. Musiqa ta’limi va o‘quv jarayonining uzluksizligini ta’minlash maqsadida o‘qitish umumiy o‘rta ta’lim sinflaridan boshlanadi. Ta’lim muassasasiga umumiy o‘rta ta’lim muassasalarining 4-sinfini bitirgan o‘quvchilar imtihon asosida qabul qilinadi.

          Akademik litsey tahsil olayotgan o‘quvchilarga mukammal  bilim va ko‘nikmalarni shakllantirish maqsadida tajribali peadagog-o‘qituvchilar va tarbiyachilar dars berishadi. Umumta’lim va musiqa fanlari bo‘yicha dars mashg‘ulotlar uzluksiz ravishda olib borilishi yo‘lga qo‘yilgan. Akademik litseyda o‘quv, musiqa, ma’muriy va 400 o‘rinli yotoqxona binolari mavjud. O‘quvchilar yotoqxona va to‘rt mahal ovqat bilan ta’minlanadilar.

         Ta’lim muassasasi bugungi kunda O‘zbekiston Respublikasi Milliy gvardiyasi,  Mudofaa vazirligi, Ichki ishlar vazirligi, Davlat xavfsizlik xizmati alohida na’munali ko‘rgazmali orkestrlari, O‘zbekiston milliy simfonik orkestri hamda boshqa musiqiy jamoalarga yuqori malakali ijrochilarni tayyorlab kelmoqda.

         Amalga oshirilayotgan keng ko‘lamli islohotlar natijasida ta’lim muassasasi o‘quvchilari respublika va xalqaro miqiyosda o‘tkazilgan tanlovlarda ko‘plab sovrinli o‘rinlar qo‘lga kiritib, o‘zbek va jahon musiqa san’atini yuksalishida ulkan xissasini qo‘shib kelmoqda. Xususan, “San’at g‘unchalari” respublika tanlovida 2011-yildan to shu kunga qadar jami 976 nafar o‘quvchilar ishtirok etib, ulardan 415 nafari tanlovning g‘olibligi va sovrinli o‘rinlarini qo‘lga kiritishgan.

          Aynan Respublika “San’at g‘unchalari” tanlovida g‘oliblikni qo‘lga kiritib, tajriba orttirgan yosh ijrochilarining aksariyati dunyoning turli mamlakatlarida jumladan Italiya, Fransiya, Polsha, Ozarbayjon, Rossiya, Serbiya, Belorusiya, Qozog‘iston va boshqa davlatlarda o‘tkazilgan xalqaro tanlovlarda muvafaqiyatga erishishgan.

         Akademik litseyning orkestr jamoasi o‘zining musiqiy chiqishlari bilan respublika va xalqaro miqyosdagi davlat tadbirlarida doimiy ravishda  faol ishtirok etib kelishmoqda.

Перепечатка, а равно использование материалов с данного сайта, разрешена только по согласию с владельцем.
Bizga murojat
Контакты
Телефон:
Адрес:
O'zbekiston Respublikasi, Toshkent shahri, Chilonzor tumani, S mavzesi