Адрес:
O'zbekiston Respublikasi, Toshkent shahri, Chilonzor tumani, S mavzesi
Телефон:

O'zbekiston Respublikasi Prezidenti Shavkat Mirziyoev 1 oktyabr kuni O`zbekistonda keng nishonlanadigan O`qituvchi va murabbiylar kuni munosabati bilan ustozlarga o`z tabrigini yo`lladi

      Biz har birimiz qanday muvaffaqiyat va natijalarga erishgan bo'lsak, bu yutuqlarda sizlarning beqiyos hissangiz borligini doimo minnatdorlik bilan etirof etamiz, dedi Shavkat Mirziyoyev tadbirga yig'ilgan o'qituvchi va ziyolilarga murojaatini boshlar ekan.
     Qadrli va muhtaram ustozlar! Avvalo, siz, azizlarni, sizlarning timsolingizda ustoz degan sharafli nomni ulug`lab kelayotgan yurtimizdagi barcha insonlarni umumxalq bayrami – O`qituvchi va murabbiylar kuni bilan chin qalbimdan samimiy muborakbod etaman. Bugun ushbu qutlug` ayyomni mamlakatimizda keng nishonlar ekanmiz, birinchi navbatda qadrdon maktabimiz, bizga harf o`rgatgan, ezgulikdan saboq bergan mehribon muallimlarimiz siymosi ko`z oldimizda namoyon bo`ladi. Biz uchun ibrat namunasi, yuksak insoniy fazilatlar timsoli bo`lgan sizlar kabi aziz va mo``tabar zotlar sha`niga eng go`zal so`zlar, ezgu tilaklarimizni izhor etamiz. Sizlarning barchangizga hech qachon uzib bo`lmaydigan qarzdorlik hissi bilan ta`zim qilamiz. Buyuk Alisher Navoiy bobomiz aytganlaridek, dunyoning bor boylik va xazinasi bilan ham sizlarning olijanob mehnatingiz haqini ado etib bo`lmaydi. Haqiqatan ham, har bir murg`ak bolani o`z farzandidek ardoqlab, yosh avlod tarbiyasi uchun ko`z nuri, qalb qo`ri, butun borlig`ini baxsh etadigan o`qituvchi va murabbiylar tom ma`noda fidoiy kasb egalaridir. Biz bugun zamonaviy bilim va kasb-hunarlar, xorijiy tillarni puxta egallab, katta umid va ishonch bilan hayotga qadam qo`yayotgan, ertangi kunimizning hal qiluvchi kuchi bo`lgan ming-minglab farzandlarimiz kamolida o`qituvchi va murabbiylarimizning beqiyos hissasi borligini yaxshi bilamiz va sizlarning bu ulug` xizmatingizni yuksak qadrlaymiz.
 
     O'zbekiston Respublikasi Prezidenti Shavkat Mirziyoev bir guruh o'qituvchi va murabbiylarni davlat mukofotlari bilan taqdirladi. Quvonarlisi taqdirlanganlar orasida  Mokrova Lyudmila Fedorovna - O'zbekiston Respublikasi Milliy gvardiyasining Respublika ixtisoslashtirilgan musiqa akademik litseyi fortepiano o'qituvchisining qilgan mehnatlari va xizmatlari uchun "Mehnat shuhrati" ordeni bilan taqdirlandi. Biz o'z o'qituvchilarimiz va murabbiylarimiz bilan fahrlanamiz.
Перепечатка, а равно использование материалов с данного сайта, разрешена только по согласию с владельцем.
Bizga murojat
Контакты
Телефон:
Адрес:
O'zbekiston Respublikasi, Toshkent shahri, Chilonzor tumani, S mavzesi